الاثنين، 11 فبراير، 2013

كأنك ما كونتيش (محاولة زجلية)


سمعوني يا هاد الناس
كلا على همو بايت عساس
كية اللي خان كيف يجيه النعاس
أصلو خسيس ولو يقول أنا من "نحاس"
..
وحنا بالعهد وفينا
نعسنا على جنب الراحة وتهنينا
يومين د الجرح وبعدها تشافينا
وحيت ربنا يبغينا
خبار العبد فابور تجينا
وعليه غسلنا يدينا وحتى رجلينا
بعناه ب زوج ريال وجينا
ما يسواش اكثر وخا يركب مع المخزن السفينة
قليل الاصل نهار شبع هرب علينا
وحتى جاع عاد داها فينا
------
تمرض تتمرضن ما يهمنيش
ألف طعنة بالسيف فيك ما تكفينيش
غلطة زماني عزيتك وماتستاهليش
كيف الرمانة كترة اليدين تخليها ما تصلاحليش
وكيف الواد الهرهوري ياخد وما يعطيشماه كثير لكن ما يسقيش
مانا يحيي وماه يقتل الناس ما يراعيش
عيشي حياتك كيف بغيتي.. أو مابغيتيش
راكي بالنسبة لي كأنك ما كونتيش


سمعوني يا هاد الناس
كلا على همو بايت عساس
كية اللي خان كيف يجيه النعاس
أصلو خسيس ولو يقول أنا من "نحاس"
..
وحنا بالعهد وفينا
نعسنا على جنب الراحة وتهنينا
يومين د الجرح وبعدها تشافينا
وحيت ربنا يبغينا
خبار العبد فابور تجينا
وعليه غسلنا يدينا وحتى رجلينا
بعناه ب زوج ريال وجينا
ما يسواش اكثر وخا يركب مع المخزن السفينة
قليل الاصل نهار شبع هرب علينا
وحتى جاع عاد داها فينا
------
تمرض تتمرضن ما يهمنيش
ألف طعنة بالسيف فيك ما تكفينيش
غلطة زماني عزيتك وماتستاهليش
كيف الرمانة كترة اليدين تخليها ما تصلاحليش
وكيف الواد الهرهوري ياخد وما يعطيش
ماه كثير لكن ما يسقيش
مانا يحيي وماه يقتل الناس ما يراعيش
عيشي حياتك كيف بغيتي.. أو مابغيتيش
راكي بالنسبة لي كأنك ما كونتيش

زهير ماعزي

هناك تعليق واحد: